Ysgol Haf Mandarin AM DDIM
Ymunwch â ni i ddysgu Mandarin sylfaenol a chymryd rhan mewn gweithgareddau diwylliannol ar-lein!
Croeso i'r ysgol haf ar-lein ar iaith a diwylliant Tsieina, a drefnwyd gan Sefydliad Confucius ym Mhrifysgol Bangor, i fyfyrwyr 16 oed a hÅ·n.
Cwrs rhagarweiniol yw'r Ysgol Haf a gynhelir ar-lein trwy Zoom. Bydd yn dysgu iaith ac ymadroddion Tsieineaidd sylfaenol i chi, yn ogystal â hanes a diwylliant Tsieina. Ni fydd arholiad ffurfiol ond bydd disgwyl i fyfyrwyr wneud gwaith cartref a gweithio ar broject trwy gydol yr wythnos.
Dylai cyfranogwyr sicrhau bod ganddynt fynediad at gysylltiad rhyngrwyd da, meicroffon a chamera. Disgwylir i fyfyrwyr wneud gwaith grŵp a gwaith uniongyrchol gyda’r athro, a byddem hefyd yn cynghori bod gennych bapur a beiro yn barod i gymryd nodiadau.
Rhaglen: 9.00 am-12.10 pm
Bydd y sesiynau'n cynnwys dwy wers iaith y dydd, ymarfer sgwrsio, un wers ar ddiwylliant, ac amser i ddatblygu project/astudio personol.
Bydd pob un ohonoch yn cael digon o gyfleoedd i ymarfer yr iaith rydych yn ei dysgu gyda'ch cyd-ddisgyblion a'ch tiwtoriaid Tsieinëeg iaith gyntaf a byddwch yn cael adborth defnyddiol ar unwaith.
Bydd yr arddull addysgu yn gyfathrebol ac yn canolbwyntio ar eich defnydd o'r iaith yn y dosbarth a pharatoi at sefyllfaoedd bywyd go iawn posib y tu allan i'r dosbarth.
PAM YMUNO Â NI YN YR YSGOL HAF HON?
Rhywbeth ardderchog i ychwanegu at eich CV! Mae dangos diddordeb mewn dysgu un o’r ieithoedd a siaredir fwyaf yn y byd yn dangos bod gennych ymwybyddiaeth amlddiwylliannol a bydd yn gwneud i chi sefyll allan.
Dysgu sut i gael sgwrs syml a defnyddio Mandarin bob dydd mewn ychydig ddyddiau yn unig!
Ennill sgiliau ymchwil a dysgu ffeithiau diddorol am ddiwylliant Tsieina!
Mae cofrestru nawr ar gau!