Â鶹AV

Rhwymedigaethau'r Brifysgol

Mae staff a mentoriaid y Neuaddau yma i'ch helpu I gael y profiad gorau posib tra byddwch yn byw yn eich neuadd breswyl.  Bydd eich ystafell yn lân ac yn barod I chi ymgartrefu ynddi pan fyddwch yn cyrraedd. Mae staff diogelwch a mentoriaid ar ddyletswydd bob awr o'r dydd a nos i helpu i ddarparu amgylchedd diogel a gofalgar i chi. Byddwn yn parchu eich preifatrwydd ac yn sicrhau eich bod yn cael y cyfle gorau posib i astudio a mwynhau eich bywyd cymdeithasol yn eich neuadd.

Rydym yn addo darparu'r holl wasanaethau a nodir yn yr contract meddiannaeth/Cytundeb Trwydded ac os bydd problem gydag unrhyw un o'r gwasanaethau hynny, gwnawn ein gorau i'w datrys mor gyflym â phosib a rhoi gwybod i chi beth sy'n digwydd. Ac eithrio mewn achosion brys, byddwn yn rhoi gymaint o rybudd i chi â phosib os bydd angen gwneud gwaith i ddatrys y broblem, gydag o leiaf 24 awr o rybudd.

Mae'r Brifysgol wedi tanysgrifio i God Llety Myfyrwyr Prifysgolion y DU sydd wedi ei lunio i amddiffyn eich hawl i gael llety diogel o ansawdd da, lle bynnag yr ydych yn astudio ac i wneud yn siŵr eich bod yn cael y defnydd gorau posib o'ch amser yn byw mewn llety Prifysgol neu goleg.