�鶹AV

Cymerwch ran mewn cynllunio ymchwil

Grŵp llywio prosiect: Amrywiadau Ethnig o ran Defnyddio Gwasanaethau Iechyd a Chymdeithasol, a Chanlyniadau Iechyd Meddwl Gofalwyr Teuluol Di-dâl

ymchwilwyr: Abdulmalik Olaosebikan, Val Morrison, Diane Seddon, Paul Rauwolf.

Postiwyd: 24.05.25

Amcanion y Project
Mae gofalwyr teuluol di-dâl, sy'n gofalu am berthnasau neu ffrindiau heb dderbyn tâl, yn aml yn wynebu straen emosiynol, straen ariannol, a heriau i'w hiechyd a'u lles. 
Mae'r astudiaeth hon yn canolbwyntio ar ddeall sut mae gofalwyr o wahanol gymunedau ethnig yng Nghymru’n defnyddio gwasanaethau iechyd a gofal cymdeithasol, a sut y gallai hyn ddylanwadu ar eu hiechyd meddwl.
Rydym yn defnyddio data arolwg cenedlaethol i nodi patrymau defnydd ac yna'n cynnal cyfweliadau i ddysgu am resymau dros ddefnyddio a pheidio â defnyddio gwasanaethau, er mwyn nodi sut y gellir gwella gwasanaethau i ddiwallu anghenion pob gofalwr.

Beth i’w ddisgwyl?
Rydym yn chwilio am bobl 18 oed a hŷn o gefndiroedd ethnig amrywiol i helpu i lunio'r project. Byddwch yn ymuno â:
•    Grŵp Ymgynghorol y Project: Defnyddiwch eich profiad proffesiynol neu eich profiad byw o dderbyn neu ddarparu gofal neu eiriolaeth i sicrhau bod yr astudiaeth yn glir, yn barchus, ac yn ddefnyddiol i'r cyhoedd. 
Mae cyfranogiad yn cynnwys:
•    Cyfarfodydd ddwywaith y flwyddyn (ar-lein neu yn y cnawd) i adolygu cynnydd, deunyddiau, ac i roi eich mewnbwn a chael adborth.
•    Nid oes iawndal ar gael ar gyfer y project PhD hwn.
 

Grŵp llywio prosiect: Ymchwilio i Brofiadau Pobl Ddwyieithog sydd ag Atal Dweud

Ymchwilydd:   Dr. Charlotte Wiltshire

Postiwyd: 19.06.24

Ynghylch beth y mae’r ymchwil?

Mae pobl sydd ag atal dweud yn aml yn adrodd gwahanol brofiadau yn ymwneud ag atal dweud, yn dibynnu ar yr iaith maen nhw'n ei siarad. Yn yr astudiaeth hon, byddwn yn defnyddio cyfuniad o holiaduron a grwpiau ffocws i ddeall y prosesau hyn yn well yng nghyd-destun pobl ddwyieithog Cymraeg-Saesneg.

Beth fydd hyn yn ei olygu?

Disgwylir i'r broses ymchwil gymryd tua dwy flynedd. Rydym yn rhagweld y bydd y grŵp llywio yn cyfarfod am oddeutu dwy awr bob chwe mis. Bydd y grŵp llywio yn cael ei gynnal ar-lein drwy alwad fideo, fodd bynnag, bydd cyfleoedd i ymweld â'r tîm ymchwil ym Mangor os dymunwch.

Pwy all gymryd rhan?

Pobl sydd ag atal dweud, therapyddion iaith a lleferydd neu gynghreiriaid atal dweud.  Rydym yn chwilio am bobl a hoffai ymuno â GRŴP LLYWIO i helpu i ddatblygu'r syniad ymchwil hwn ac i weithio gyda'r tîm ymchwil i fonitro cynnydd yr astudiaeth.

Cymryd Rhan mewn Ymchwil

Project Mislif Actif Creu a gwerthuso sesiwn addysg weithredol a gynlluniwyd ar y cyd - Cyfnod 1

Researchers: Kelly McNulty, Sophie Harrison and Natalie Brown

Posted: 24.05.25

Amcanion y Project 

Mislif yw un o'r rhwystrau mwyaf sy'n atal merched rhag cymryd rhan mewn chwaraeon a gweithgarwch corfforol. I helpu i newid hyn, rydym yn datblygu sesiwn addysgu merched am y gylchred fislifol a'i heffaith ar ymarfer corff, yn ogystal â rhoi cyfle iddynt symud mewn amgylchedd cefnogol a gwybodus.

Wrth i ni gynllunio'r sesiwn hon, rydym eisiau clywed yn uniongyrchol gan:

1. Ferched ac arweinwyr sesiynau
2. ⁠Rhanddeiliaid
    

Beth i’w ddisgwyl?  

1. Merched ac arweinwyr sesiynau

Bydd y sesiwn yn cynnwys siarad â merched ynglŷn â pham ein bod yn ceisio dylunio'r sesiwn hon ac yna cwblhau gemau hwyliog i ddysgu mwy am sut mae merched yn teimlo am ymarfer corff yn ystod eu mislif, a'r hyn yr hoffent ei ddysgu a'r math o weithgareddau yr hoffent eu gwneud yn ystod y sesiwn. Ar ddiwedd y sesiwn, byddwn yn gofyn i'r merched sut brofiad oedd y sesiwn. 

Yn ogystal, gofynnwn i gynrychiolydd sy'n oedolyn (staff neu wirfoddolwr 18 oed a hŷn) o'ch sefydliad arsylwi'r sesiwn a chwblhau arolwg adborth byr.

Bydd y sesiwn yn cymryd tua 60 i 90 munud i gyd, a gellir ei chwblhau yn ystod amser gweithgarwch arferol o fewn eich sefydliad. 

2. Rhanddeiliaid

Bydd yr astudiaeth yn cynnwys cymryd rhan mewn un grŵp ffocws neu gyfweliad, lle bydd sesiwn wedi'i chynllunio ar y cyd yn cael ei chyflwyno i chi er mwyn casglu adborth a mewnwelediadau.

Pwy all gymryd rhan? 

Rydym yn eich annog i gymryd rhan os ydych yn bodloni'r meini prawf canlynol:

Study: Actif Period Project: Creation and evaluation of a co-designed active education session - Phase 2

Researchers: Kelly McNulty, Sophie Harrison and Natalie Brown

Posted: 24.05.25

What's the research about?

Periods are one of the biggest barriers that prevent girls from getting involved in sport and physical activity. To help change this, we’ve developed a session alongside girls, session leaders and key stakeholders that not only teaches girls about the menstrual cycle and its impact on exercise but also gives them the chance to get moving in a supportive and informed environment. Now we want to gather feedback from girls and session leaders on the session and improve it for wider use.
 

What's involved?

A 60 to 90-minute session will be delivered to girls, including physical activity and learning about periods, symptoms, and how to exercise during menstruation.

An adult representative from the organisation (staff or volunteer, age 18+) is asked to observe the session.

The girls and session leader will answer a few questions before and after the session, take part in a short group discussion, and be asked the same questions again in about three months.

The session will take place during the usual activity time within the organisation. 

Who can get involved?

Please get involved if you meet the following criteria:

Study: Yn astudio rheolaeth symudiad lleferydd  yn pobl dal dweud

Ymchwilydd: Nia Wyn-Williams, Michael Pendlebury and Dr. Charlotte Wiltshire

Postiwyd: 20.05.25

Ynghylch beth y mae’r ymchwil?

1. I wella ein dealltwriaeth o sut mae arwyddion yr ymennydd am “stop” a “mynd”, GABA a glutamate, yn cyfrannu at reolaeth symudiad lleferydd ag amersu lleferydd yn bobl sy’n dal dweud ac yn  lleferydd rhugl. 
2. Yn astudio effaith technegau gwella rhuglder gwahanol ar bobl dal dweud, yn defnyddio tri math o fetronom; clywedol, cyffyrddol, a gweledol.

Beth fydd hyn yn ei olygu?

Rhan 1: Fydd cyfranogwyr yn cymred rhan yn sgan MRI sydd yn para 2 awr. Yn ystod y sgan byddwn yn cymred mesuriadau o’r crynodiadau nifer o gemegau. Na fydd rhaid i gyfranogwyr cwblhau tasg yn ystod sganio.

Rhan 2: Fydd cyfranogwyr yn siarad a darllen yn amser hefo tri math of metronom gwahanol; clywedol, cyffyrddol, a gweledol. 
 

Pwy all gymryd rhan?

Cynhwysiant: Mae rhaid i gyfranogwyr fod rhwng yr oedran o 18 a 45, wedi siarad Saesneg ers yr oedran o 5 ag yn un ai dal dweud neu yn siarad yn rhugl. 

Gwaharddiad: Na fydd gyfranogwyr sydd yn cymred meddyginiaethau sydd yn effeithio ar grynodiad GABA neu glutamate neu gyflymder ymateb yn chaniateir i gymred rhan.

Na chaniateir cyfranogwyr sydd hefo mewnblaniadau metel, amodau'r galon, a gemwaith ansymudol i gymred rhan yn y sesiwn MRI. Mae croeso i gyfranogwyr na medru cymred rhan yn y sesiwn MRI i gymred rhan yn y sesiwn metronom yn unig.

Astudiaeth: Effaith cuddio atal dweud

Ymchwilydd: Dr. Charlie Wiltshire

Ynghylch beth mae’r astudiaeth?

Weithiau mae pobl sydd ag atal dweud yn ymwybodol o eiriau sydd i ddod a all arwain at ddiffyg rhuglder ac, er mwyn cuddio eu hatal dweud, gallant ddewis defnyddio strategaethau, fel disodli'r geiriau hynny ar unwaith. Ein nod yw deall y prosesau hyn yn well. 

Pwy all gymryd rhan?

Gall unrhyw gymryd rhan, os oes ganddynt atal dweud ai peidio. Os ydych chi'n uniaethu fel rhywun sydd ag atal dweud, gallwch chi gymryd rhan (gan gynnwys atal dweud "cudd" neu "guddiedig"). 

Beth fydd yn digwydd yn yr astudiaeth?

Tasgau cyfrifiadurol yn ogystal â holiaduron y gellir eu gwneud ar-lein gartref. Mae'r astudiaeth yn cymryd tua 25 munud i bobl nad oes ganddynt atal dweud, a tua 45 munud i bobl sydd ag atal dweud (oherwydd cwestiynau ychwanegol am atal dweud).

Study: Mapio canlyniadau anafiadau i nerfau amgantol y llaw. 

Ymchwilydd: Benjamin Govier, Dr Ken Valyear

Postiwyd: 20.05.25

Amcanion y Project:

Ein dwylo yw'r brif ffordd yr ydym yn rhyngweithio â'r byd, a chânt eu grymuso gan y nerfau sy'n dod â'n profiad o gyffwrdd, tymheredd a phoen yn fyw. Mae anafiadau i nerfau'r llaw’n gyffredin a gallant achosi problemau parhaol i swyddogaeth y llaw. Ein nod yw deall sut mae'r ymennydd yn newid ar ôl anafiadau o'r fath a sut mae'r newidiadau hyn yn gysylltiedig ag adferiad.

Beth i’w ddisgwyl?

Mae'r astudiaeth yn cynnwys gwneud barn ar leoliadau cyffyrddiadau ar eich dwylo. Gofynnir i chi nodi lleoliad pob cyffyrddiad. Bydd y dasg yn cymryd tua 40 – 60 munud.

Pwy all gymryd rhan? 

Mae croeso i unrhyw un dros 18 oed, nad oes ganddynt hanes o anafiadau i'w dwylo, fynegi diddordeb.

Cewch dâl o £12 yr awr am eich amser.

Study: Sut mae ymarfer corff yn effeithio ar gemeg yr ymennydd? A yw hyn yn newid ar ôl cyfergyd?

Ymchwilydd: Asare Adomako, Muhammad Subhan Zahid Nazir, Dr Julian Owen, Dr Geof Combs, Prof. Sam Oliver, Prof. Paul Mullins.

Postiwyd: 24.05.25

Amcanion y Project:

Caiff ymarfer corff ei gydnabod yn eang am ei fanteision i iechyd corfforol, gan chwarae rhan bwysig wrth gynnal ffitrwydd a hyrwyddo iechyd cyhyrau a swyddogaeth fetabolig yn y corff, ac mae tystiolaeth yn dangos ei effaith gadarnhaol ar iechyd yr ymennydd. Mae ymarfer corff rheolaidd wedi'i gysylltu â gwella cof, sylwgarwch a swyddogaethau rheoli, gan gynnwys gwneud penderfyniadau a datrys problemau. Yn ogystal, dangoswyd bod ymarfer corff yn cael effeithiau cadarnhaol sylweddol ar iechyd meddwl trwy leihau symptomau iselder ysbryd, ofn, gorbryder a straen. Er gwaethaf y corff cynyddol o dystiolaeth sy'n cefnogi manteision ymarfer corff, mae sut mae hyn yn cael ei adlewyrchu yng nghemeg yr ymennydd yn ystod ac ar ôl ymarfer corff yn dal yn aneglur, ac nid oes dealltwriaeth lawn o’r mater. I ymchwilio, byddwn yn defnyddio techneg o'r enw sbectrosgopeg cyseiniant magnetig i astudio newidiadau mewn niwrogemeg tra bod cyfranogwyr yn ymarfer corff gan ddefnyddio ein beic ymarfer corff sy'n gydnaws ag MRI.

Ar ôl cyfergyd (neu anaf trawmatig ysgafn i'r ymennydd), mae pobl yn aml yn profi anoddefiad i ymarfer corff. Nod ail ran yr astudiaeth hon fydd ymchwilio i'r newidiadau yng nghemeg yr ymennydd yn ystod ymarfer corff ymysg pobl yn fuan ar ôl profi cyfergyd, a gweld a yw'r un peth yn wir i bobl nad ydynt wedi profi cyfergyd yn ddiweddar, neu beth yw’r gwahaniaethau. 

Beth i’w ddisgwyl?

Tua awr – awr a 30 munud o amser arbrofol, gydag awr yn y sganiwr MRI, lle byddwch yn cymryd rhan mewn ymarfer corff gan ddefnyddio beic ymarfer corff wedi'i gynllunio'n arbennig. 

Pwy all gymryd rhan? 

Ar gyfer rhan un, rydym yn chwilio am bobl sy’n bodloni’r canlynol:

• 18 i 40 oed
• Iach

Mae rhai cyflyrau lle nad yw prawf ymarfer corff yn cael ei argymell, felly byddwn yn sgrinio am y rhain. Dyma rai enghreifftiau:

• Cyflyrau’r galon.
• Afiechyd cronig.
• Cwynion niwrolegol
• Gorbwysedd/Is-bwysedd.

Ar gyfer rhan 2, byddem yn chwilio am yr un math o bobl, ond sydd wedi profi cyfergyd o fewn y 3-5 diwrnod diwethaf.